Holytown Parish Church
Thou Bonnie Kirk o’ Holytoon,
Thou sits upo’ the brae
An’ smiles upo’ the country roon
The Lang simmer day;
An’ when the leaves begin to fa’
An’ naething seems the same
Thou still looks doon upo’ them a’
An’ blesses ilka hame
Thou Bonnie Kirk o’ Holytoon,
The Kirk upo’ the hill,
Remindin’ folk in HOlytoon
To dae the Lord’s guid will;
Thou summons them frae croft an’mine
To turn aside an’ pray;
An’ bonnie art thou, little shrine,
Upon a Sabbath day.
Thou Bonnie Kirk o’ Holytoon,
Oor faithers lo’ed ye dear
An’ cam sae blyth tae Holytoon
Frae hooses far an’ near.
An’ still their children lo’e ye yet
Far mair than they can say
Richt Bonnie Kirk o’ Holytoon
That sits up’ the brae
O Bonnie Kirk o’ Holytoon
What sanctifies oor days,
Still look wi’ grace on Holytoon,
An’ still direct oor ways.
For. Weel we ken, tho’ times may change,
An’ troubles never cease,
In the Bonnie Kirk o’ Holytoon
Is aye our deepest peace.
James McLeman